Cherry Uyana – චෙරි උයන

ඇන්ටන් චෙකොෆ් (Anton Chekhov) ගේ “The Chery Orchard” නාට්‍යයේ සිංහල පරිවර්තනය

මිනිස් චරිතයෙහි ඉතාමත් සුසිලිටි තැන් අතිශය තුනී ලෙස සිතුවම් කොට ඇති “චෙරි උයන” නාට්‍යය, මුද්‍රා නාටකයක පවතින මටසිලිටි භාවයට ඉතා ළං වන බව ඔහු ගේ අදහස යි. අභාවයට යන වැඩවසම් ක්‍රමයටත් නැඟී එන වාණිජවාදී අර්ථ ක්‍රමයටත් මැදි වුණු සැබෑ මිනිස් චරිත පිළිබඳ සියුම් විභාගයක් මෙම නාට්‍යයෙන් චෙකොෆ් ඉදිරිපත් කරයි.

Modara Mola – මෝදර මෝල

1983 හොඳම නාට්‍ය පිටපතට හිමි රාජ්‍ය සාහිත්‍ය සම්මානය දිනූ කෘතිය

1998 වසරේ පැවති නිදහස් ස්වර්ණ ජයන්ති නාට්‍ය උළෙල වෙනුවෙන් හොඳම නාට්‍ය දහයෙන් එකක් ලෙස තෝරා ගත් නාට්‍යය

අ. පො. ස. උසස් පෙළ නාට්‍ය හා රංග කලා විෂය වෙනුවෙන් නිර්දිෂ්ට ග්‍රන්ථයකි.

කොළොන්නාව ආණ්ඩුවේ ෆැක්ටේරියේ අධිරාජ්‍යවාදී ග්‍රහණයට හසු වී වැඩ කළ මයිකල් බාස් ඉන් නිදහස් වී ස්වෝත්සාහයෙන් තමන්ගේම කර්මාන්තයක් ගොඩ නඟා ගනී. කුඩා ලෑලි මඩුවකින් පටන් ගෙන කුප්පි ලාම්පුවේ ආධාරයෙන් ඇණ මුරිච්චි ආදිය වාත්තු කළ ඔහු පසු කලක වී පාහින යන්ත්‍ර වැනි ලුහු කර්මාන්ත උපකරණ නිෂ්පාදනයට සමත් වෙයි. ඔහු සතුව පැවතියේ වැඩ වසම් යුගයේ කළමනාකරණ ක්‍රම වේදයන් ය. ගණකාධිකාරිවරයකු වෙනුවට සියළු ගණන් හිලව් කුඩා සටහන් පොතක ලියා ගනිමින් මුදලාලිට රාළහාමි යන ගෞරවාන්විත නාමයෙන් ආමන්ත්‍රණය කරමින් ඔහුට ඉතා ළෙංගතුව සිටි ‘ලියන මහත්තයා’ මුදලාලි ගේ ‘තනි මොළෙන් කරන’ සියලු පාලන කාර්‍යයන්ට සහාය වූ හිතවතා ය.